ජනකරළිය නාට්‍ය තුනක් අනුරාධපුරයේ
ජනකරළිය සංස්කෘතික පදනම විසින් නිර්මාණය කළ ‘‘තිත්ත කහට’’, ‘‘හිරු නැගෙනතුරු’’ සහ ‘‘අඳුර සහ එළිය’’ යන නාට්‍ය තුන අනුරාධපුර මධ්‍ය මහා විද්‍යාලයිය නව රංගශාලාවේදී රංගගත වෙයි.
මෙම ඔක්තෝබර් මස 17 වැනි බදාදා ‘‘තිත්ත කහට’’ නාට්‍යය සවස 2.30ට සහ 6.30ටද, ‘‘හිරු නැගෙනතුරු’’ සහ ‘‘අඳුර සහ එළිය’’ නාට්‍ය දෙක 18 වැනි බ‍්‍රහස්පතින්දා සවස 6.30ටද රඟදැක්වෙනු ඇත.
ස්වර්ණ පුස්තක සම්මාන අද
2017 වසරේ ප්‍රකාශිත ප්‍රශස්ත කවකතාවට පිදෙන ස්වර්ණ පුස්තක සම්මානය අද (15) සවස 6 ට බණ්ඩාරනායක අනුස්මරණ සම්මන්ත්‍රණ ශාලාවේදී පිරිනැමෙයි
සිනමා රංගනය ඉගෙන ගන්න අවස්ථාවක්
මායා ශක්ති රංග ශිල්ප ශාලිකාවේ අභිනව වැඩ මුළුව සිනමා රංගනය මැයෙන් ආරම්භ කිරීමට කටයුතු යොදා ඇත.
මේ සඳහා දැනට රංගනයේ යෙදී සිටින නළු නිළියනට මෙන්ම රඟපෑමේ පිපාසාවෙන් සිටින තරුණ තරුණියන්ටද සහභාගි විය හැකිය.
ජාතික චිත්‍රපට සංස්ථා පරිශ්‍රයේදී පැවැත්වෙන මෙම වැඩ මුළුව මෙහෙයවන්නේ සිනමා හා වේදිකා රංගනය පිළිබද න්‍යායාත්මක පොත්පත් රාශියක් ලියා ඇති ප්‍රවීණ රංගන ශිල්පියකු හා රංගාචාර්යවරයකු වන ධර්මජිත් පුනර්ජිව මහතාය.
බුද්ධිනීගේ ‘අහස්‘ දොරට වැඩුම 24 දා
පුවත්පත්කලාවේදිනියක -නවකතාකාරියක සහ තිරනාටක රචිකාවියක වන බුද්ධිනී ජයවර්ධනගේ අලුත්ම නවකතාව ‘අහස්‘ මැයි 24 වෙනිදා සවස 3ට ජාතික පුස්තකාලසේවා මණඩල ශ්‍රවණාගාරයේදී දොරට වඩී.
ජාතික රූපවාහිනී සංස්ථාවේ නව සභාපති ඉනෝකා
ප්‍රවීණ සිනමාවේදී ඉනෝකා සත්‍යංගනී කීර්තිනන්ද ජාතික රූපවාහිනී සංස්ථාවේ නව සභාපතිනිය ලෙස පත්කොට තිබේ.
ජාතික රූපවාහිනී සංස්ථාවේ සභාපති තනතුරට කාන්තාවක් පත්වූ පළමු අවස්ථාව මෙය වෙයි.
සිය පළමු චිත්රපටය වූ ‘සුලං කිරිල්ලී‘ තුලීන් වැඩිම ජාත්‍යන්තර සම්මාන ප්‍රමාණයක් දිනාගත් ඉනෝකා සත්‍යංගනී අනතුරුව ‘සින්ඩ්‍රෙල්ලා‘ චිත්රපටය නිර්මාණය කළ අතර මෑතකදී ‘සාර සුබාවට මල් පිපිලා ‘ මැයෙන් අලුත් චිත්‍රපටයක වැඩ ආරම්භ කළාය.
සිනමාව-රූපවාහිනිය- මාධ්‍යය පමණක් නොව සාහිත්‍ය විෂයෙහි ලාද හසල දැනුමක් ඇති ඉනෝකා නිතරම අලුත් දැනුමෙන් යාවත්කාලීන වන නූතනවාදී කාන්තාවකි. කාලාන්තරයක් මුළුල්ලේ නිසි නායකත්වයක් නැතිව- ඉදිරි දැක්මක් නැතිව වල්බිහිවී ඇති රූපවාහිනී සංස්ථාවේ අභිවෟද්ධිය වෙනුවෙන් ඇයට කළ හැකි වැඩකොටස විශාල බව අපි විශ්වාස කරමු
නිදහසේ පියා ඞී. එස්. ඔක්තෝබර් 12වන දා සිට තිරයට.
හැත්තෑ වසරක් ඉක්මවූ හෙළ සිනමා වංශකතාවේ, ඓතිහාසික අවස්ථාවක් සනිටුහන් කරමින්, ශ්රී ලංකාවේ ප‍්‍රථම වතාවට ශ්රී ලාංකීය චිත‍්‍රපටයක් සිංහල හා දමිළ භාෂා ද්විත්වයෙන් ම එකවර ප‍්‍රදර්ශනය කිරීමේ භාග්‍ය ලබමින්, සුනෙත් මාලිංග ලොකුහේවා අධ්‍යක්ෂණය කළ, නිදහස් සටනට නායකත්වය සැපයූ මහාමාන්‍ය ඞී. එස්. සේනානායක ශූරීන්ගේ ජීවන චරිතය ඇසුරින් තැනූ ”නිදහසේ පියා - ඞී. එස්.” චිත්රපටය 12වන දින සිට දිවයින පුරා රිද්මා මණ්ඩලයේ සිනමාශාලාවන්හී දී තිරගත කිරීමට නියමිතව ඇත.
සෆීර්‍ර්ගේ දස වසරක ජර්මානු නාට්‍ය අත්දැකීම්
කොළඹ නාට්‍ය කථීකාව පසුගිය වසර පුරාවටම ඉතා සාර්ථකව ජර්මානු සංකෘතික මධ්‍යස්ථානයේ අනුග්‍රහයෙන් ඉන්ටර් ඇක්ට් ආර්ට් ආයතනය මගින් පවත්වන ලදී. වසරක කාලයක් පුරා නාට්‍ය කලාවේ විවිධ මානයන්වල රංගකලා වාර්තා චිත්‍රපටි රැසක් සංවාදය සඳහා ඉදිරිපත් කරන ලදී. ඒ සඳහා දේශීය මෙන්ම විදේශීය තරුණ සහ ප්‍රවීණ නාට්‍යකරුවන්ද සහභාගී වෙමින් එම අත්දැකීම් ඛෙදා ගන්නා ලදී.
රයිගමයටයි ගම්පලයටයි ඉහළම ප්‍රතිචාර
ලලිත් ප්‍රෙමතිලකගේ කුළුඳුල් චිත්රපටය ‘රයිගමයයි ගම්පලයයි‘ දැන් ඉහලම ප්‍රෙක්ෂක ප්‍රතිචාර මැද දිනයින පුරා සිනමා ශාලාවල තිරගත වෙයි.
පැරැණි සිංහල ජනකතා පිළිබඳව පාසල් ළමුන් දැනුවත් කිරීමේ සහ ළමුන්ට මවුපියන් සමග එකට සිට නැරැඹිය හැකි අන්දමේ චිතුපටයක් නිර්මාණය කිරීමේ පරමාර්ථයෙන් මෙහි තිර නාටකය ලියා ඇත්තේද ලලිත් ප්‍රේමතිලක විසිනි.
කොළඹ ජාත්‍යන්තර නාට්‍ය උළෙල මැයි 24 -30 ලයනල් වෙන්ඩ්ට්හිදී
ශ්රී ලංකාවේ පැවැත්වෙන එකම හා පළමු ජාත්‍යන්තර නාට්‍ය උළෙල වන කොළඹ ජාත්‍යන්තර නාට්‍ය උළෙල මැයි 24 සිට 30 දා දක්වා ලයනල් වෙන්ඩ්ට් රඟහලේදී පැවැත්වෙයි.
මෙවර නාට්‍ය උලෙළලෙ ප්‍රවීණ නාට්‍ය වේදී ධර්මසිරි බණ්ඩාරනායක අභින්නදන උළෙල ලෙස නම් කොට ඇත.
මෙවර නාට්‍ය උළෙල සඳහා රටවල් අටකින් නාට්‍ය 13ක් ඉදිරිපත් කොට ඇති අතර නාට්‍ය දර්ශන වලට අමතරව නාට්‍ය වැඩමුලු- ජාත්‍යන්තර නාට්‍ය වේදීන් ගේ සම්මේලනද පැවැත්වෙයි.
සම්මානලාභි ‘පවුරු වළලු‘ තිරනාටකය එළි දකී
ජාත්‍යන්තර සම්මානලාභී ප්‍රසන්න විතානගේ අධ්‍යක්ෂණය කළ ‘පවුරු වළලු‘ චිත්‍රපටයේ තිරනාටකය දැන් නිකුත්වී ඇත.
ටෝනි රණසිංහ ගේ තිරනාටකයක් වූ ‘පවුරු වළලු‘ ප්‍රසන්න විතානගේ අධ්‍යක්ෂණය කළ හොඳම චිත්‍රපට අතරින් එකක් ලෙස විචාරක පැසැසුමට ලක්වූ අතර ඕ. සී. අයි. සී. සිනමා උත්තමාචාර උලෙලේ ඊට හොදම තිරනාටකය- හොඳම අධ්‍යක්ෂනය - හොඳම නළුවා (ටෝනි රණසිංහ) හොඳම නිළිය (නීටා ප්‍රනාන්දු) හොඳම කැමරාකරණය (සුමින්ද වීරසිංහ) ඇතුළු සම්මාන රැසක් හිමි විය.
අලවත්තගේ ‘කවිර කතිකාව‘ හෙට (16)
පුවත්පත් කලාවේදියකු, ලේඛකයකු, විචාරකයකු හා කවියකු වන ජයසිරි අලවත්තගේ ‘කාව්‍යාලාප‘ සහ ‘මකරන්ද‘ කාව්‍ය විචාර පිළිබඳ විචාරාත්මක සංවාදයක් ‘කවිවර කතිකාව‘ මැයෙන් හෙට (16) සවස 3ට නුගේගොඩ මහජන පුස්තකාලයේදී පැවැත්වෙයි.
මහින්ද ප්‍රසාද් මස්ඉඹුල සහ තිස්ස නිහාල් වික්‍රමසිංහ එහිදී දෙසුම් පවත්වති.
නදීකා බණ්ඩාරගෙන් ‘තෙත් භූමි‘
නදීකා බණ්බාරගේ අලුත්ම නාට්‍ය නිර්මාණය ‘තෙත් භුමි‘ සැප්. 01 දා රාත්‍රී 7ට නුගේගොඩ , විජේරාම රෝයල් තැප්‍රොබේන් සංස්කෘතික අවකාශයේදී වේදිකා ගතවෙයි.
නදීකා බණ්ඩාරගේ රචනයක් සහ අධ්‍යක්ෂණයක් වෙන මෙම නාට්‍යය ප්‍රකාශනවාදී කුරිරු රංගයක් ලෙස ඇය හඳුන්වයි.
උදයගේ ‘වස්සානයේ සඳ‘ දැන් රිදී තිරයේ
උදයකාන්ත වර්ණසූරියගේ අලුත්ම චිත්රපටය ‘වස්සානයේ සඳ‘ දැන් දිවයින පුරා සිනමාශාලවල තිරගතවෙයි.
අපූර්ව ප්‍රෙමනීය පුවතක් වටා ගෙතුණු ‘වස්සානයේ සඳ‘ බබලවන්නට උදයකාන්ත ඇන්ජලො සංජීව බාන්ස් සහ ඕෂධී හිමාෂා නමැති නවක නළුවකු සහ නිළියක ද යොදාගන තිබේ.
රවීන්ද්‍ර රන්දෙණිය- පියුමි හංසමාලි- සුවිනීතා වීරසිංහ- අනුලා කරුණාතිලක- අනුජ් රණසිංහ- ශ්‍රීනාත් මද්දුමගේ ඇතුළු නළු නිළියෝ සෙසු චරිත නිරූපණය කරති.
‘වස්සානයේ සඳ‘ තිරනාටකය සහ නවකතාව 25 දා එළි දකී
ප්‍රවීණ සිනමාවේදී උදයකාන්ත වර්ණසූරියගේ ‘වස්සානයේ සඳ‘ චිත්‍රපටයේ තිරනාටකය සහ එම තිරනාටකය ඇසුරින් ලියු නවකතාව චිත්රපටය ප්‍රදර්ශනයත් සමග එළි දැක්වීමට කටයුතු යෙදා ඇත.
‘වස්සානයේ සඳ‘ චිත්‍රපටයේ තිරනාටකය සහ නවකතාවද උදයකාන්තගේම ය.
වෙනසක පුරෝගාමියා සුනරුත් පැතුම සමග නික්ම ගියේය
ආයාලේ යමින් තිබූ ලාංක්ය සිනමාවට නිසි පදනමක් දමමින් එය ජාත්‍යන්තර කීර්තියට ලක්කළ වෙනසක පුරෝගාමියා වූ අචාර්ය ලෙස්ටර් ජේම්ස් පීරිස් අද (2) පූර්ණ රාජ්‍ය ගෞරව සහිතව- හමුදා ආචාර වෙඩි මුර මැද දැයෙන් සමුගත්තේ ඔහුගෙ මුළු ජීවිත කාලය තුළම පැවැති එකම පැතුම සුනරුත් පැතුමක් බවට පත්කර ගනිමිනි.
More Articles...
- සිනමා ප්රාඥයාගේ අවමංගල්ය උත්සවය රාජ්‍ය ගෞරව සහිතව හෙට නිදහස් චතුරශ්රයේ
- ආසියාවේ මහා සිනමා ප්රාඥයා අාචාර්ය ලෙස්ටර් සමු ගනී
- යශෝධරා 26 දා සිට දිවයින පුරා සිනමාශාලා 85ක
- හොදම නළුවා- මහේන්ද්ර- හොදම නිළිය - නදී ජනප්රියම නළුවා -තුමිදු ජනප්රියම නිළිය -නයනතාරා හොදම ටෙලි නාට්‍යය- බැද්දේ කුලවමිය ජනප්රියම ටෙලි නාට්‍යය- කූඹියෝ
- හොඳම නළුවා රොෂාන්ද? ශ්යාම්ද? මහෙන්ද්ර ද? රයිගම් ටෙලි සම්මාන මාර්තු 24ද නෙළුම්පොකුණේ
- උදය කාන්ත වර්ණසූරියගේ සිනමා චාරිකාවේ වෙනසක්
- හොදම නිළිය චාන්දනී ද? නදී ද? හිමාලි ද?
- රයිගම් ටෙලීස් නිර්දේශ ලාභීන් අගැයීම් උළෙල 9දා
- පරාරෝපිත මිනිසා ගේ පිළිබිඹුව
- ධර්මසේන පතිරාජ චිත්‍රපට උළෙල පෙබ 08දා තරංගනියේ
- 2018 රයිගම් ටෙලීස් සම්මාන රාත්රීය මාර්තු 24 දා
- ජාත්‍යන්තර සම්මාන දිනූ අනෝමා ජනාදරී අගැයුම් උළෙළ 30 දා
- බ්රැන්ඩෝට අම්මා කියාදුන් ගී එළි දකී
- ගාමිණි සමරසිංහගෙන් අලුත්ම සිනමා පත්තරයක්
- සිංහල සාහිත්යයේ ස්ත්රී දායකත්වය
- ප්‍රසන්න- හඳගම සහ විමුක්ති ත්රිමූර්තියෙන් තුන්ඈඳුතු චිත‍්‍රපටයක්
- නීටා යළි වේදිකාවේ
- ඒෂියන් වර්ඩ් සිනමා උළෙලේ හොඳම නිළිය අනෝමා
- දමයන්තිගේ හදවත කතා කරවූ ලෙස්ටර්ගේ ගොළුහදවත
- ‘ස්වරූප‘ -ලාංකේය තරුණයාට හිමි තැන දාර්ශනිකව ප්රශ්න කිරීමක්
